Museet formidlar historia om vasskrafta og industireisninga som i løpet av dei første tiåra av førre århundre, forvandla Noreg til eit moderne industrisamfunn. Bygningar og samlingar utgjer eit godt utgangspunkt for arbeidet både med lokal-, industri-, og sosialhistorie. Ei rekkje av måla i læreplanen innan faga natur og miljø samt samfunnsfag, vert dekka gjennom museet sine undervisningsopplegg.
Tyssedal sin kombinasjon av barsk natur og ein planlagd, inntakt og tidstypisk bygningsmasse, gjer bygda til ein ideell stad å flytte undervisninga ut i naturen.
Tyssedal ligg i Odda kommune, innst i Hardangerfjorden. Turen frå Bergen tek ca tre timar, frå Haugesund om lag to. Mange skular velgjer museet som mål for ei reise gjennom det spanande Hardangerområdet. Vi tilbyr opplegg frå ein halv time til ein heil dag.
Ta kontakt for meir informasjon på tlf. 53 65 00 55.
